© Игорь Храмов-Тесёлкин, 2022
ISBN 978-5-0056-4431-2
Создано в интеллектуальной издательской системе Ridero
Акафист просветителям Руси равноапостольным князьям Ольге и Владимиру
Избранным от тьмы языческия к небесному просвещению страны Росийския, да просветится светом христианския веры и светильником миру да станет, святым равноапостольным Ольге и Владимиру мы, меньшия братия ваша, похвальная воспоим:
Радуйтеся, Ольго и Владимире богомудрии, Руси Святыя просветители!
Ангелов и человеков Творец и Создатель и всех благ Податель, времена и сроки во своей власти положивый, судьбы человеков и народов управляяй и определяяй, Русь Святую яко твердое основание Третьего Рима утвердивый, избра вас от тьмы идолопоклонства к небесному разума просвещению и Православия в Земле Российской утверждению, да мы, меньшии братия и наследники ваша, светлыя светильники веры православныя из рук ваших восприяв, Небесное Отечество вкупе с вами восприимем и вопием вам таковая:
Радуйтеся, Руси Святыя светом христианской веры просветители!
Радуйтеся, Православныя веры утвердители!
Радуйтеся, веру православную, яко камень несекомый, в основание державы Русской положившии!
Радуйтеся, веру православную в стране нашей северней вовеки утвердившии!
Радуйтеся, Ольго и Владимире богомудрии, Руси Святыя просветители!
Видя Землю Русскую, яко голубицу чисту, душу свою к небесам устремившу, идеже чающе Небесного Жениха Грядуща, Христа Бога нашего, всех благих Податель Господь той вас дарова, яко Руси святых просветителей, да Светом христианския веры просвещенна, Богу вопиет:
Разум богопросвещенный дати народу русскому восхотев, Премудрости и смыслов Податель вас, яко добрых подателей смыслов, к разуму небесному житие устрояющих, Святой Руси дарова, да зовем вам сице:
Радуйтеся, Руси Святыя просветители и основатели!
Радуйтеся, разума народа русского в Подателе всех смыслов утвердители!
Радуйтеся, разума небесного народу русскому податели!
Радуйтеся, к Царствию Небесному пути Руси Святыя управители!
Радуйтеся, Ольго и Владимире богомудрии, Руси Святыя просветители!
Силою Вышего осеняемы и укрепляемы, Отечества своего светом христианския веры просветители явилися еста, святыя благовернии премудрыя князи Ольго и Владимире, да мы, меньшии братия ваша, вами просвещенныя, всегда вопием вам:
Имущее души чисты, Истины взыскующе, Иже есть Господь наш Иисус Христос, Его же взыскали еста всем сердцем своим, всем разумом своим и всею душею своею, о славнии богомудрии Ольго и Владимире, темже примите от нас, нынешних сограждан ваших, светом христианския веры просвещенных, похвалы сия:
Радуйтеся, тьмы нечестия языческого отвергшиеся!
Радуйтеся, света Истины всем сердцем и разумением взыскавшии!
Радуйтеся, идольское безумие поправшии!
Радуйтеся, свет истинныя веры в своем сердце и Державе Русской утвердившии!
Радуйтеся, Ольго и Владимире богомудрии, Руси Святыя просветители!
Буря недоумения смущает ми ум, како достойно воспети труды ваша в стране нашей северней, некогда языческой, вами же светом истиныя веры просвещенней, да мы, меньшии братия ваша, воспоим о вас Всемилостивому Всех благ Подателю о всех ваших: